Inaxio Uria Mendizabalen familiak eta Grupo Altuna y Uria S.A. osatzen duten enpresek bihotzez eskertzen dizue Inaxioren heriotzaren ostean eskaini diguzuen babes eta elkartasuna.
Asko zarete egun triste haiez gero gugana zuzendutako pertsonak, enpresak edo instituzioak. Erahilketa bortitz hark gugan sortu duen samina askoz eramangarriagoa izaten ari da zuen laguntzaz. Eskerrik asko.
Bi hilabete pasa dira jada gure aita, anai, kide, ugazaba eta lagun Inaxio gure familia eta enpresan ez dagoenetik, baina gure bizitzan eta lanean bere oroitzapenak bizirik dirau. Gure artean gogoan dugun arren, publikoki ere bera gogoratzen jarraitzen dugu. Horretarako, hilabete bakoitzaren hirugarren egunean bere oroimenez elkartzen gara bera tiro koldar baten bidez erahil zuten lekuan.
Beraz, zuek ere noizbait Inaxioren omenaldi honetan parte hartzea nahi baduzue, esku zabalik hartuko zaituztegu famili eta enpresako kideek. Bizitzak aurrera jarraitzen du guztiontzat, baita lanak ere.
Inaxio berak esaten zigun moduan “AURRERA, BETI”. Aurrera jarraitu behar dugu. Azkenik eskerrak eman bizitzeko eskubidea defendatzen duzuen guztiei eta eman diguzuen indarragatik.
Eskerrik asko, |